Author: myapnews9@gmail.com

పల్నాడు జిల్లా, మాచర్ల నియోజకవర్గం:అంతర్జాతీయ స్థాయిలో యుద్ధ పరిస్థితులు నెలకొన్నాయన్న వార్తల నేపథ్యంలో ఇంధన కొరత ఏర్పడుతుందన్న ప్రచారం ప్రజల్లో ఆందోళన రేపుతోంది. దీంతో మాచర్ల పట్టణంలోని పెట్రోల్ బంకుల వద్ద వాహనదారులు భారీగా బారులు తీరారు.పెట్రోల్ కోసం వాహనాలతో పాటు బాటిళ్లు, క్యాన్లు తీసుకుని బంకుల వద్దకు చేరుకున్న ప్రజలు అవసరానికి మించి నిల్వ చేసుకునేందుకు ప్రయత్నిస్తున్నారు. దీంతో పెట్రోల్ బంకుల వద్ద తీవ్ర రద్దీ నెలకొంది. ఈ పరిస్థితిపై స్పందించిన అధికారులు తనిఖీలు చేపట్టారు. సివిల్ సప్లైస్ డిప్యూటీ తహసీల్దార్ భాషా ఆధ్వర్యంలో పెట్రోల్ బంకులు, గ్యాస్ గోదాములను పరిశీలించారు.ఈ సందర్భంగా డీలర్లకు పలు సూచనలు చేశారు: పెట్రోల్ పంపిణీ క్రమబద్ధంగా నిర్వహించాలిఅనవసర నిల్వలను నియంత్రించే చర్యలు తీసుకోవాలిగ్యాస్ వినియోగదారులకు ప్రత్యేక కౌంటర్లు ఏర్పాటు చేయాలిగ్యాస్ బుకింగ్ తేదీలను నోటీస్ బోర్డుల ద్వారా స్పష్టంగా తెలియజేయాలిప్రజలకు ఎలాంటి అసౌకర్యం కలగకుండా ముందస్తు సమాచారం అందించాలిఅధికారులు ప్రజలను ఆందోళన చెందవద్దని,…

ఆంధ్రప్రదేశ్‌లోని ప్రకాశం జిల్లా మార్కాపురం సమీపంలో ఈరోజు తెల్లవారుజామున ఘోర రోడ్డు ప్రమాదం చోటుచేసుకుంది. రాయవరం క్వారీల వద్ద ప్రైవేట్ ట్రావెల్స్ బస్సు, టిప్పర్ ఎదురెదురుగా ఢీకొనడంతో ఈ ప్రమాదం జరిగింది.హైదరాబాద్ నుంచి పామూరు వైపు వెళ్తున్న బస్సు వేగంగా వస్తున్న టిప్పర్‌ను బలంగా ఢీకొట్టింది. ఢీకొన్న వెంటనే డీజిల్ ట్యాంక్ పగిలిపోవడంతో రెండు వాహనాల్లోనూ క్షణాల్లోనే మంటలు చెలరేగాయి.🔥 క్షణాల్లోనే మంటలు… బయటకు రాలేని ప్రయాణికులుప్రత్యక్ష సాక్షుల కథనం ప్రకారం, మంటలు తీవ్రంగా వ్యాపించడంతో బస్సులో ఉన్న ప్రయాణికులు బయటకు రావడానికి అవకాశం లేకుండా పోయింది. సుమారు 40 మంది ప్రయాణికులు బస్సులో ఉండగా, కొందరు కిటికీలు పగులగొట్టుకుని బయటపడగలిగారు.అయితే, లోపల చిక్కుకుపోయిన 10 మంది ప్రయాణికులు సజీవదహనమయ్యారు. మంటల తీవ్రత కారణంగా మృతదేహాలు గుర్తుపట్టలేనంతగా కాలిపోయాయి.🚑 గాయపడిన వారి పరిస్థితి విషమంఈ ప్రమాదంలో పలువురు తీవ్రంగా గాయపడగా, వారిని వెంటనే మార్కాపురం ప్రభుత్వ ఆసుపత్రికి తరలించారు. గాయపడిన వారిలో…

మాచర్ల (పల్నాడు జిల్లా): అంతర్జాతీయ స్థాయిలో యుద్ధం జరుగుతుందన్న వార్తల నేపథ్యంలో ఇంధన కొరత ఏర్పడుతుందన్న ప్రచారం ప్రజల్లో ఆందోళన రేపుతోంది. ఈ నేపథ్యంలో మాచర్ల పట్టణంలోని పెట్రోల్ బంకుల వద్ద వాహనదారులు భారీగా బారులు తీరారు. పెట్రోల్ కోసం వాహనాలతో పాటు బాటిళ్లు, క్యాన్లు తీసుకుని బంకుల వద్దకు చేరుకున్న ప్రజలు, అవసరానికి మించి నిల్వ చేసుకునేందుకు ఎగబడుతున్నారు. దీంతో బంకుల వద్ద తీవ్ర రద్దీ నెలకొంది.డీజిల్ కొరత వస్తుందన్న భయంతో ఆటో డ్రైవర్లు కూడా పెద్ద మొత్తంలో డీజిల్ నింపుకుంటున్నారు. కొందరు ఆటోలతో పాటు పెద్ద డ్రమ్ముల్లో డీజిల్ నిల్వ చేసుకుంటున్న దృశ్యాలు కనిపించాయి. అదే సమయంలో, కొన్ని పెట్రోల్ బంకుల్లో స్టాక్ అయిపోవడంతో తాత్కాలికంగా మూతపడిన పరిస్థితులు నెలకొన్నాయి. దీనితో ప్రజల్లో మరింత ఆందోళన పెరిగింది.అధికారులు మాత్రం ఇంధన కొరతపై అధికారిక సమాచారం లేదని, అవసరానికి మించి నిల్వలు చేసుకోవద్దని ప్రజలకు సూచిస్తున్నారు.

దాచేపల్లి:దాచేపల్లి పట్టణంలోని ప్రభుత్వ కార్యాలయాలకు విద్యుత్ శాఖ బుధవారం బకాయిలపై నోటీసులు జారీ చేసింది. ఆర్థిక సంవత్సరం ముగింపు సమీపిస్తున్న నేపథ్యంలో పెండింగ్ బిల్లులను వెంటనే చెల్లించాలని అధికారులు సూచించారు.వివరాల ప్రకారం బకాయిలు ఇలా ఉన్నాయి:గవర్నమెంట్ హాస్పిటల్ – ₹3,36,600ఎమ్మార్వో కార్యాలయం – ₹6,48,323ప్రభుత్వ పాఠశాలలు – ₹9,28,322ఎంఢీఓ & ఈపీఆర్‌డీ కార్యాలయాలు – ₹8,15,220పోలీస్ స్టేషన్ – ₹1,36,313ఈ సందర్భంగా విద్యుత్ శాఖ అధికారులు మాట్లాడుతూ, మార్చి నెలతో ఆర్థిక సంవత్సరం ముగుస్తున్నందున బకాయిలను ఆలస్యం చేయకుండా చెల్లించాలని కోరారు.ఈ కార్యక్రమంలో డిప్యూటీ ఎగ్జిక్యూటివ్ ఇంజనీర్ టి. వీరేశ్వరరావు, ఏఏఓ పి. సందీప్ కుమార్, జేఏఓ కె. ఆశీర్వాదం, ఏఈలు బి. భగవాన్, డి. నాగేశ్వరరావు తదితర సిబ్బంది పాల్గొన్నారు.

పల్నాడు జిల్లా, వినుకొండ: వేసవి పూర్తిగా ప్రారంభం కాకముందే పట్టణ శివారు కాలనీల్లో నీటి సమస్య తీవ్రంగా మారుతోంది. అధికారులు రోజు మార్చి రోజు కుళాయిల ద్వారా నీటి సరఫరా చేస్తున్నామని చెబుతున్నప్పటికీ, క్షేత్రస్థాయిలో మాత్రం పరిస్థితులు భిన్నంగా ఉన్నాయని స్థానికులు అంటున్నారు.పైపులైన్లు లేని ప్రాంతాల్లో పురపాలక సంఘం ట్యాంకర్ల ద్వారా నీటిని సరఫరా చేస్తోంది. అయితే జనాభా అధికంగా ఉండటంతో ఆ నీరు సరిపోవడం లేదు. ముఖ్యంగా మసీదు మాన్యం (అజాద్‌నగర్) ప్రాంతంలో సుమారు 2 వేలకుపైగా పేద కుటుంబాలు నివసిస్తున్నాయి. ఇక్కడ పైపులైన్ సదుపాయం లేకపోవడంతో పూర్తిగా ట్యాంకర్లపైనే ఆధారపడుతున్నారు. కాలనీ వాసుల ఆవేదన ప్రకారం, ఒకసారి ట్యాంకర్ నీరు అందుకున్న తర్వాత మళ్లీ రావడానికి సుమారు 15 రోజుల సమయం పడుతోంది. దీంతో గత్యంతరం లేక ప్రైవేట్ ట్యాంకర్ల వద్ద ఒక్క డ్రమ్ నీటిని రూ. 50 చెల్లించి కొనుగోలు చేస్తున్నామని చెబుతున్నారు.కూలి పనులు చేసి జీవనం…

పల్నాడు జిల్లా: నాదెండ్ల పోలీస్ స్టేషన్ పరిధిలో మైనర్ బాలికను మోసం చేసిన ఘటనపై పోలీసులు ఫోక్సో చట్టం కింద కేసు నమోదు చేశారు.పోలీసుల వివరాల ప్రకారం, 8వ తరగతి చదువుతున్న 16 ఏళ్ల బాలికతో ఒక యువకుడు పరిచయం పెంచుకుని, మాయ మాటలు చెప్పి ఆమెను ఇబ్బందులకు గురి చేసినట్లు ఆరోపణలు ఉన్నాయి.బాలిక తల్లి ఇచ్చిన ఫిర్యాదు మేరకు షేక్ షాహిద్ (17) అనే యువకుడిపై పోలీసులు ఫోక్సో కేసు నమోదు చేసి దర్యాప్తు చేపట్టారు.ఈ ఘటనపై పోలీసులు స్పందిస్తూ, మైనర్లపై జరిగే ఇలాంటి నేరాలపై కఠిన చర్యలు తీసుకుంటామని తెలిపారు.

పల్నాడు జిల్లా, మాచర్ల నియోజకవర్గం: వెల్దుర్తి మండలం కొత్త పుల్లారెడ్డిగూడెం గ్రామంలో పోలీసుల విస్తృత కార్డెన్ సెర్చ్ నిర్వహించారు. పల్నాడు జిల్లా ఎస్పి బి. కృష్ణారావు ఆదేశాల మేరకు, గురజాల డిఎస్పి వెంకట రమణ ఆధ్వర్యంలో ఈ తనిఖీలు చేపట్టారు. సెర్చ్ ఆపరేషన్‌లో భాగంగా గ్రామంలో అనుమానాస్పద వాహనాలు, వ్యక్తులను పోలీసులు క్షుణ్ణంగా తనిఖీ చేశారు. ఈ సందర్భంగా మొత్తం 31 బైకులు, 9 గొడ్డళ్లు, 7 కత్తులు, 7 గడ్డపలుగులు స్వాధీనం చేసుకున్నారు. అదేవిధంగా 2 లీటర్ల నాటుసారా, మద్యం సంబంధించిన ఒక కేసును నమోదు చేసి సీజ్ చేశారు.ఈ సందర్భంగా డిఎస్పి వెంకట రమణ మాట్లాడుతూ, పల్నాడు ప్రాంతంలో శాంతి భద్రతలను పరిరక్షించేందుకు ఇలాంటి కార్డెన్ సెర్చ్‌లు నిరంతరం కొనసాగుతాయని తెలిపారు. అక్రమ కార్యకలాపాలకు పాల్పడే వారిపై కఠిన చర్యలు తప్పవని హెచ్చరించారు.గ్రామస్తులు పోలీసులకు సహకరించి, అనుమానాస్పద వ్యక్తులపై సమాచారం అందించాలని కోరారు.ఈ కార్యక్రమంలో సర్కిల్ ఇన్స్పెక్టర్లు, ఎస్సైలు,…

రాష్ట్రవ్యాప్తంగా పెరుగుతున్న వేసవి తీవ్రత దృష్ట్యా చిన్నారుల ఆరోగ్యం, భద్రతను కాపాడేందుకు ప్రభుత్వం కీలక నిర్ణయం తీసుకుంది. బుధవారం నుంచి అంగన్వాడీ కేంద్రాల్లో ఒంటిపూట బడి విధానాన్ని అమలు చేయాలని ఆదేశాలు జారీ చేసింది.ఉదయం 8 గంటల నుంచి మధ్యాహ్నం 12 గంటల వరకు మాత్రమే కేంద్రాలు పనిచేయనున్నాయి. పని వేళల్లో మార్పులు వచ్చినప్పటికీ, లబ్ధిదారులకు అందించే పోషకాహార పంపిణీలో ఎలాంటి అంతరాయం లేకుండా అధికారులు చర్యలు తీసుకోవాలని ప్రభుత్వం స్పష్టం చేసింది.అలాగే టేక్ హోం రేషన్ (THR) విధానాన్ని పక్కాగా అమలు చేయాలని ఆదేశించింది. తదుపరి ఆదేశాలు వచ్చే వరకు అంగన్వాడీల్లో ఒంటిపూట బడి విధానం కొనసాగనుంది.

నరసరావుపేట: పట్టణంలో బైక్ స్టంట్స్ చేస్తూ ప్రజల ప్రాణాలకు ముప్పు కలిగిస్తున్న యువకులపై పోలీసులు కఠిన చర్యలు ప్రారంభించారు. నరసరావుపేట రూరల్ పోలీసులు ప్రత్యేక నిఘా ఏర్పాటు చేసి, స్టంట్స్ చేస్తున్న పలువురు యువకులను గంటల వ్యవధిలోనే గుర్తించి అదుపులోకి తీసుకున్నారు.ఈ చర్యలో భాగంగా స్టంట్స్‌కు ఉపయోగించిన బైకులను స్వాధీనం చేసుకున్నారు. అదుపులోకి తీసుకున్న యువకుల తల్లిదండ్రులను పోలీస్ స్టేషన్‌కు పిలిపించి, వారికి కౌన్సిలింగ్ నిర్వహించారు. ఈ సందర్భంగా నరసరావుపేట రూరల్ సీఐ ఎం.వి. సుబ్బారావు మాట్లాడుతూ, ప్రజల భద్రతను దృష్టిలో ఉంచుకొని బహిరంగ ప్రదేశాల్లో ప్రమాదకరంగా బైక్ స్టంట్స్ చేసే వారిపై కఠిన చర్యలు కొనసాగుతాయని హెచ్చరించారు.త్వరిత చర్యలు తీసుకున్న రూరల్ పోలీస్ సిబ్బందిని, ఎస్సై కిషోర్ బాబు మరియు ఎస్సై శ్రీకాంత్‌లను సీఐ అభినందించారు.

కూటమి ప్రభుత్వం నమోదు చేసిన అక్రమ కేసులో అరెస్ట్ అయి, అనంతరం బెయిల్‌పై విడుదలైన నేపథ్యంలో వైఎస్ఆర్ కాంగ్రెస్ పార్టీ పల్నాడు జిల్లా అధ్యక్షులు శ్రీ పిన్నెల్లి రామకృష్ణారెడ్డి గారు, యర్రగొండపాలెం నియోజకవర్గ ఎమ్మెల్యే శ్రీ తాటిపర్తి చంద్రశేఖర్ గారు ఈరోజు తాడేపల్లిలోని నివాసంలో పార్టీ అధ్యక్షులు, మాజీ ముఖ్యమంత్రి శ్రీ వైయస్ జగన్మోహన్ రెడ్డి గారిని మర్యాదపూర్వకంగా కలిశారు. ఈ సందర్భంగా నియోజకవర్గంలోని తాజా రాజకీయ పరిస్థితులు, పార్టీ బలోపేతం, కార్యకర్తలు ఎదుర్కొంటున్న సమస్యలు తదితర అంశాలపై విస్తృతంగా చర్చించినట్లు సమాచారం.పార్టీని మరింత బలోపేతం చేయడం, కేడర్‌కు భరోసా కల్పించడం దిశగా నాయకత్వం నుంచి మార్గదర్శకాలు పొందినట్లు తెలిసింది