పల్నాడు జిల్లా దాచేపల్లి నగర పంచాయతీ పరిధిలోని నల్లవాగు సమీపంలో శుక్రవారం రోడ్డు ప్రమాదం చోటుచేసుకుంది. అదుపుతప్పిన ఓ కారు బోల్తా పడి వాగులోకి దూసుకెళ్లింది.అద్దంకి–నార్కెట్పల్లి జాతీయ రహదారిపై హైదరాబాద్ వైపు నుంచి తిరుపతి వైపు వెళ్తున్న కారు ఒక్కసారిగా అదుపుతప్పి నల్లవాగు కాలువలోకి దూసుకెళ్లినట్లు సమాచారం.ఈ ప్రమాద సమయంలో కారులో ఉన్న ఆరుగురు ప్రయాణికులు తీవ్రంగా గాయపడ్డారు. స్థానికుల సహాయంతో వారిని బయటకు తీసి అత్యవసర చికిత్స కోసం 108 అంబులెన్స్లో గురజాల ప్రభుత్వ ఆసుపత్రికి తరలించారు.ప్రమాదానికి సంబంధించిన పూర్తి వివరాలు తెలియాల్సి ఉంది.
Author: myapnews9@gmail.com
పల్నాడు జిల్లా మాచర్ల పురపాలక సంఘానికి ప్రత్యేక అధికారిగా గురజాల ఆర్డీవో మురళీకృష్ణను నియమిస్తూ రాష్ట్ర ప్రభుత్వం మంగళవారం ఉత్తర్వులు జారీ చేసింది. ప్రస్తుత మున్సిపల్ పాలకవర్గం పదవీకాలం ఈ నెల 18వ తేదీతో ముగియనుండటంతో, పాలనలో ఎలాంటి అంతరాయం కలగకుండా ఉండేందుకు ప్రభుత్వం ఈ నిర్ణయం తీసుకుంది.నూతన పాలకవర్గం ఏర్పడే వరకు మాచర్ల పురపాలక సంఘ పరిపాలన ప్రత్యేక అధికారిగా నియమితులైన గురజాల ఆర్డీవో మురళీకృష్ణ ఆధ్వర్యంలో కొనసాగనుంది. ఈ సందర్భంగా మున్సిపల్ పరిపాలనలో అన్ని పనులు యథావిధిగా కొనసాగేందుకు అవసరమైన చర్యలు తీసుకోవాలని అధికారులు తెలిపారు.
ఆంధ్రప్రదేశ్లో ఉగాది పండుగ సందర్భంగా 2.50 లక్షల మంది లబ్ధిదారులకు సామూహిక గృహ ప్రవేశ కార్యక్రమం నిర్వహించనున్నట్లు ముఖ్యమంత్రి నారా చంద్రబాబు నాయుడు తెలిపారు. ఈ కార్యక్రమంలో స్థానిక ప్రజాప్రతినిధులు ప్రభుత్వ తరఫున లబ్ధిదారులకు అధికారిక లేఖలు అందజేయాలని అధికారులకు సీఎం సూచించారు.రాష్ట్రవ్యాప్తంగా ప్రభుత్వం నిర్ణయించిన ధరకే ఇసుక సరఫరా జరగాలని సీఎం స్పష్టం చేశారు. ఇసుకపై ప్రజల నుంచి వచ్చే ఫిర్యాదులను తక్షణమే పరిష్కరించాలని అధికారులకు ఆదేశించారు.ఇటీవల ఢిల్లీలో జరిగిన ఏఐ ఇంపాక్ట్ ఇండియా సమ్మిట్లో కుదిరిన ఒప్పందాలు త్వరగా అమలులోకి వచ్చేలా చర్యలు తీసుకోవాలని సీఎం పేర్కొన్నారు. భారత్ జెన్, నెక్స్ జెన్, ఐబీఎం వంటి సంస్థలు ఏఐ లివింగ్ ల్యాబ్స్ ఏర్పాటు చేయడానికి ముందుకు వచ్చాయని, వచ్చే విద్యా సంవత్సరం నుంచే కోర్సులు ప్రారంభం అయ్యేలా చూడాలని సూచించారు.అలాగే ఏఐ ఆగ్రానమిస్ట్, ఏఐ ట్యూటర్, ఏఐ డాక్టర్ వంటి సేవలను రాష్ట్ర ప్రజలకు అందుబాటులోకి తీసుకురావాలని సీఎం…
పల్నాడు జిల్లా కారంపూడి మండల పరిధిలో రెండు రోజుల క్రితం అడిగొప్పల తిరునాళ్లకు వెళ్తూ విష్ణు అనే యువకుడు రోడ్డు ప్రమాదానికి గురయ్యాడు. ఈ ప్రమాదంలో అతనికి తీవ్ర గాయాలు కావడంతో పాటు ఎక్కువగా రక్తస్రావం జరిగింది.ప్రస్తుతం విష్ణు నరసరావుపేటలోని జీబీఆర్ (GBR) ఆసుపత్రిలో చికిత్స పొందుతున్నాడు. అతనికి AB+ve బ్లడ్ అత్యవసరంగా అవసరమని బంధువులు, స్నేహితులు మీడియాకు తెలియజేశారు.ఈ సమాచారానికి స్పందించిన చింతపల్లి గ్రామానికి చెందిన యువకుడు త్రినాథ్ ముందుకు వచ్చి నరసరావుపేటలో రక్తదానం చేసి మానవత్వాన్ని చాటాడు. రక్తదానం చేయడం ద్వారా ఒక ప్రాణాన్ని కాపాడవచ్చని ఆయన తెలిపారు.త్రినాథ్ చేసిన ఈ సేవకు విష్ణు బంధువులు, స్నేహితులు ప్రత్యేక కృతజ్ఞతలు తెలిపారు.
పల్నాడు జిల్లా నరసరావుపేట మండలం ములకలూరు సమీపంలో మహిళ అనుమానాస్పద పరిస్థితుల్లో మృతి చెందిన ఘటన కలకలం రేపింది. మృతురాలు నెల్లూరు జిల్లా వనంతోపు సెంటర్కు చెందిన ఏటగిరి అదరత్తమ్మ (36)గా గుర్తించారు.స్థానిక సమాచారం ప్రకారం, మృతురాలు రెండు రోజుల క్రితం ఇస్సపాలెం గ్రామంలో జరిగిన తిరునాళ్ల వేడుకలకు వచ్చినట్లు తెలుస్తోంది.సమాచారం అందుకున్న వెంటనే నరసరావుపేట గ్రామీణ పోలీసులు క్లూస్ టీమ్తో కలిసి ఘటనాస్థలానికి చేరుకుని పరిశీలనలు చేపట్టారు.ఈ ఘటనపై అనుమానితుడిగా ములకలూరు ప్రాంతానికి చెందిన బూదూరు వెంకయ్య (20) అనే వ్యక్తిని అదుపులోకి తీసుకుని పోలీసులు విచారిస్తున్నారు. ఘటనకు సంబంధించిన పూర్తి వివరాలు ఇంకా తెలియాల్సి ఉంది.
పల్నాడు జిల్లా నకరికల్లు అడ్డరోడ్ సమీపంలో అద్దంకి–నార్కెట్పల్లి హైవేపై మంగళవారం ఘోర రోడ్డు ప్రమాదం జరిగింది. అదుపు తప్పిన కంటైనర్ లారీ ముందుగా మినీ లారీని, తరువాత స్కూటీని ఢీకొట్టి బోల్తా పడింది.ఈ ప్రమాదంలో స్కూటీపై ప్రయాణిస్తున్న ఇద్దరు వ్యక్తులు ఘటనాస్థలంలోనే మృతి చెందారు. లారీ డ్రైవర్ మరియు క్లీనర్ తీవ్రంగా గాయపడ్డారు.గాయపడిన వారిని 108 అంబులెన్స్ ద్వారా నరసరావుపేట ప్రభుత్వ ఆసుపత్రికి తరలించారు. ప్రమాదానికి గురైన కంటైనర్ లారీ తమిళనాడుకు చెందినదిగా పోలీసులు తెలిపారు.సమాచారం అందుకున్న వెంటనే స్థానికులు మరియు పోలీసులు ఘటనాస్థలానికి చేరుకుని సహాయక చర్యలు చేపట్టారు. ఘటనపై కేసు నమోదు చేసి పోలీసులు దర్యాప్తు చేపట్టారు.
పల్నాడు జిల్లా నర్సరావుపేటలోని స్థానిక కృష్ణవేణి డిగ్రీ కళాశాలలో 21వ వార్షికోత్సవ వేడుకలు శనివారం కళాశాల ప్రాంగణంలో విద్యార్థుల ఉల్లాసం, ఉత్సాహం, కెరింతల మధ్య వైభవంగా నిర్వహించారు.ఈ కార్యక్రమాన్ని కళాశాల ప్రిన్సిపాల్ నాతాని వెంకటేశ్వర్లు, డైరెక్టర్ కోమటినేని నాసరయ్య జ్యోతి ప్రజ్వలన చేసి ఘనంగా ప్రారంభించారు.ఈ వేడుకలకు ముఖ్య అతిథులుగా అంతర్జాతీయ జానపద గాయకుడు డాక్టర్ కళాశ్రీ భిక్షు నాయక్, ప్రముఖ టీవీ యాంకర్ మరియు సింగర్ కే.బీ.ఎన్. సుజ శ్రీ, ప్లేబ్యాక్ సింగర్ మరియు మిమిక్రీ ఆర్టిస్ట్ నాగేందర్ రాథోడ్, రేలా ఓ రేలా సింగర్ ఉష అక్క హాజరయ్యారు.ఈ సందర్భంగా ప్రిన్సిపాల్ నాతాని వెంకటేశ్వర్లు మాట్లాడుతూ విద్యార్థులు చదువుతో పాటు అన్ని రంగాల్లో ప్రతిభ కనబరిచి ఉన్నత శిఖరాలను అధిరోహించాలని సూచించారు. క్రమశిక్షణతో కూడిన విద్యే జీవితంలో విజయానికి దారి తీస్తుందని అన్నారు.అతిథుల పాటలు, మిమిక్రీ ప్రదర్శనలు, అలాగే విద్యార్థినీ విద్యార్థులు ప్రదర్శించిన సాంస్కృతిక కార్యక్రమాలు వేడుకలకు ప్రత్యేక…
పల్నాడు జిల్లా వినుకొండలో శ్రీ గంగా పార్వతీ సమేత శ్రీ రామలింగేశ్వర స్వామి వారి కొండ చుట్టూ నిర్మిస్తున్న గిరి ప్రదక్షిణ రోడ్డు పనులను రాష్ట్ర చీఫ్ విప్, వినుకొండ ఎమ్మెల్యే జీవి ఆంజనేయులు పరిశీలించారు.భక్తుల సౌకర్యార్థం మరియు పర్యాటకాభివృద్ధిలో భాగంగా చేపట్టిన ఈ రహదారి పనుల పురోగతిని ఆయన పరిశీలించి, పనుల నాణ్యతపై ప్రత్యేక దృష్టి పెట్టాలని అధికారులను ఆదేశించారు.ఏళ్ల తరబడి భక్తులు ఎదురుచూస్తున్న గిరి ప్రదక్షిణ మార్గాన్ని త్వరితగతిన పూర్తి చేసి భక్తులకు అందుబాటులోకి తీసుకురావాలని సూచించారు. పనుల్లో ఎక్కడా జాప్యం జరగకుండా, నాణ్యతతో కూడిన రహదారి నిర్మించాలని అధికారులకు దిశానిర్దేశం చేశారు.ఈ కార్యక్రమంలో కూటమి నేతలు, అధికారులు, ఆలయ కమిటీ సభ్యులు పాల్గొన్నారు.