Author: myapnews9@gmail.com

పల్నాడు జిల్లా మాచర్ల నియోజకవర్గానికి చెందిన రాష్ట్ర ఆర్యవైశ్య జర్నలిస్టుల సంక్షేమ సేవా సంఘం ఈసీ మెంబర్, ఏపీయూడబ్ల్యూజే మాచర్ల నియోజకవర్గ ఎగ్జిక్యూటివ్ మెంబర్, ఆర్యవైశ్య యువజన సంఘం అధ్యక్షులు కారంపూడి సముద్రాల పవన్ సాయి జన్మదినోత్సవాన్ని పురస్కరించుకొని ఆయనకు ఆర్యవైశ్య సంఘం సభ్యులు, జర్నలిస్టులు హృదయపూర్వక శుభాకాంక్షలు తెలియజేశారు.ఈ సందర్భంగా పలువురు నాయకులు మాట్లాడుతూ సముద్రాల పవన్ సాయి జర్నలిజం రంగంలో కృషి చేస్తూనే సామాజిక సేవలోనూ ముందంజలో నిలుస్తున్నారని కొనియాడారు. ప్రజల సమస్యలను వెలుగులోకి తీసుకువచ్చే రిపోర్టర్‌గా తన బాధ్యతలను నిబద్ధతతో నిర్వహిస్తూ, సంఘ అభివృద్ధికి కట్టుబడి పనిచేస్తున్నారని పేర్కొన్నారు.భవిష్యత్తులో మరిన్ని ఉన్నత పదవులు అధిరోహించి, తన సేవా కార్యక్రమాలను విస్తరించి, జర్నలిజం రంగంలో మరింత ప్రతిష్ఠను సంపాదించాలని ఆకాంక్షించారు. అలాగే సమాజానికి ఆదర్శంగా నిలుస్తూ, అందరి మన్ననలు పొందాలని ఆశీర్వదిస్తూ జన్మదిన శుభాకాంక్షలు తెలిపారు.ఈ కార్యక్రమంలో ఆర్యవైశ్య సంఘం సభ్యులు, యువజన నాయకులు, జర్నలిస్టులు తదితరులు పాల్గొన్నారు.

పల్నాడు జిల్లా దుర్గి మండలం అడి గొప్పుల శివారు నిదానంపాడు గ్రామంలో వెలసిన శ్రీ నిదానంపాటి శ్రీలక్ష్మి అమ్మవారి సన్నిధిలో ఆదివారం భక్తులు కిటకిటలాడారు. పలు ప్రాంతాల నుండి పెద్ద సంఖ్యలో భక్తులు తరలివచ్చి అమ్మవారిని దర్శించుకున్నారు.ఈ సందర్భంగా భక్తులు అమ్మవారికి అభిషేకాలు, కుంకుమార్చనలు, నైవేద్యాలు సమర్పించి, చండీ హోమం సహా ప్రత్యేక పూజలు నిర్వహించారు. వేద పండితులు మంత్రోచ్చారణల మధ్య “భక్తులను చల్లగా చూడమ్మా.. కోరికలు తీర్చమ్మా” అంటూ ఆశీర్వచనాలు అందించారు. పల్లకిలో ఊరేగిన అమ్మవారుసాయంత్రం నందీశ్వరుని సమక్షంలో శ్రీలక్ష్మి అమ్మవారిని పల్లకిలో అలంకరించి, బ్యాండ్ మేళాలు, బాజా భజంత్రాలతో గుడి చుట్టూ ఘనంగా ఊరేగించారు. ఈ ఉత్సవం భక్తులను ఆధ్యాత్మిక భావనలో ముంచెత్తింది.🟥 తలనీలాలు సమర్పించిన భక్తులు – అన్నదానంకొంతమంది భక్తులు తమ తలనీలాలను సమర్పించి మొక్కులు తీర్చుకున్నారు. ఆలయానికి విచ్చేసిన భక్తులకు అన్నదాన కార్యక్రమం నిర్వహించారు.ఈ రోజు ప్రత్యేకంగా ఆలయ శాశ్వత ధర్మకర్త యాగంటి వెంకటేశ్వర్లు స్వయంగా…

రెంటచింతల మండలం మల్లవరం గ్రామంలో దుర్గి మార్కెట్ యార్డ్ సౌజన్యంతో ఏర్పాటు చేసిన ఉచిత పశు వైద్య శిబిరాన్ని ఎమ్మెల్యే జూలకంటి బ్రహ్మానందరెడ్డి ప్రారంభించారు. ఈ సందర్భంగా ఆయన మాట్లాడుతూ కూటమి ప్రభుత్వం రైతుల సంక్షేమానికి కట్టుబడి ఉందని, పలు సంక్షేమ పథకాల ద్వారా రైతులకు ఆర్థిక భరోసా కల్పిస్తున్నట్లు తెలిపారు. పాడి పరిశ్రమ అభివృద్ధి కోసం ప్రత్యేక నిధులు కేటాయించి, పశుసంవర్ధక రంగాన్ని బలోపేతం చేస్తున్నామని పేర్కొన్నారు. పశువులకు మెరుగైన వైద్యసేవలు అందించడం ద్వారా రైతుల ఆదాయం పెంపొందించడమే లక్ష్యమని తెలిపారు. రైతులు ఆధునిక పద్ధతులు అవలంబించి పాడి పరిశ్రమను అభివృద్ధి చేసుకోవాలని సూచించారు. ప్రభుత్వం అందిస్తున్న పథకాలను సద్వినియోగం చేసుకుని ఆర్థికంగా ఎదగాలని పిలుపునిచ్చారు. ఈ కార్యక్రమంలో స్థానిక నాయకులు, రైతులు, పశుసంవర్ధక శాఖ అధికారులు మరియు గ్రామస్తులు పెద్ద సంఖ్యలో పాల్గొన్నారు.

మాచర్ల పట్టణ ఆర్యవైశ్య మరియు యువజన మహిళా సంఘం నూతన కార్యవర్గ ప్రమాణ స్వీకార మహోత్సవం ఘనంగా నిర్వహించబడింది. ఈ కార్యక్రమంలో ఆర్యవైశ్య సంఘం అధ్యక్షులుగా ప్రమాణ స్వీకారం చేయబోతున్న గరిణే శ్రీనివాస్ రావుకు పలువురు ప్రముఖులు అభినందనలు తెలియజేశారు.మాచర్ల పట్టణ టిడిపి నాయకులు యెనుముల కేశవరెడ్డి మాట్లాడుతూ, గరిణే శ్రీనివాస్ రావు నాయకత్వంలో సంఘం మరింత అభివృద్ధి చెందాలని ఆకాంక్షించారు. సమాజ సేవలో ఆయన చూపిస్తున్న నిబద్ధత అభినందనీయమని పేర్కొన్నారు. అలాగే మాచర్ల, దుర్గి డాల్ మిల్ అసోసియేషన్ అధ్యక్షులు గుడిపాటి శేషు మాట్లాడుతూ, కొత్త కార్యవర్గం సమన్వయంతో పనిచేసి ఆర్యవైశ్య సమాజానికి మరింత సేవ చేయాలని సూచించారు.ఈ సందర్భంగా సంఘ సభ్యులు, నాయకులు పెద్ద సంఖ్యలో పాల్గొని కొత్త కమిటీకి శుభాకాంక్షలు తెలిపారు.

పల్నాడు జిల్లా వైఎస్ఆర్ కాంగ్రెస్ పార్టీ అధ్యక్షులు, మాచర్ల మాజీ శాసనసభ్యులు పిన్నెల్లి రామకృష్ణారెడ్డి కూటమి ప్రభుత్వంపై తీవ్ర స్థాయిలో విమర్శలు గుప్పించారు. కూటమి ప్రభుత్వం అధికారంలోకి వచ్చిన వెంటనే తనపై అక్రమంగా కేసులు బనాయించారని ఆయన ఆరోపించారు. రాజకీయంగా ఎదుర్కోలేక ప్రతీకార ధోరణితో వ్యవహరిస్తున్నారని మండిపడ్డారు.ఈ క్లిష్ట సమయంలో మాచర్ల నియోజకవర్గంలోని వైఎస్ఆర్ కాంగ్రెస్ పార్టీ నాయకులు, కార్యకర్తలు తమ కుటుంబానికి అండగా నిలిచినందుకు హృదయపూర్వక కృతజ్ఞతలు తెలిపారు. అలాగే పల్నాడు జిల్లాలోని వైఎస్ఆర్ కాంగ్రెస్ పార్టీ సమన్వయకర్తలు తనకు మనోధైర్యాన్ని అందిస్తూ ప్రతి దశలో అండగా ఉన్నందుకు వారికి ప్రత్యేక ధన్యవాదాలు తెలిపారు. “ఈ కూటమి ప్రభుత్వం వైఎస్ఆర్ కాంగ్రెస్ పార్టీకి చెందిన వారిపై ఎన్ని అక్రమ కేసులు పెట్టినా, మేమంతా ఒకరికి ఒకరం అండగా ఉంటాం” అని స్పష్టం చేశారు. అక్రమ కేసులతో పార్టీ నేతలను, కార్యకర్తలను మానసికంగా ఇబ్బందులకు గురి చేస్తున్నారని ఆయన ఆగ్రహం వ్యక్తం…

పవిత్ర రంజాన్ పండుగను పురస్కరించుకుని మాచర్ల మార్కెట్ యార్డ్ మాజీ చైర్మన్ యాగంటి మల్లికార్జున రావు ముస్లిం సోదరులకు హృదయపూర్వక రంజాన్ శుభాకాంక్షలు తెలిపారు. ఈ సందర్భంగా ఆయన మాట్లాడుతూ, నెల రోజులపాటు కఠిన నియమాలతో ఉపవాస దీక్షలు పాటిస్తూ, శాంతి, సౌభ్రాతృత్వం కోసం ప్రార్థనలు చేసిన ముస్లిం సోదరుల ఆత్మీయత, భక్తి భావం సమాజానికి ఆదర్శమని పేర్కొన్నారు.రంజాన్ పండుగ మనకు ప్రేమ, కరుణ, పరస్పర గౌరవం వంటి విలువలను గుర్తు చేస్తుందని తెలిపారు. మతాలు వేరైనా మనసులు ఒక్కటిగా ఉండాలని, సమాజంలో ఐక్యత మరింత బలపడాలని ఆకాంక్షించారు. ప్రతి ఒక్కరి జీవితాల్లో ఆనందం, శాంతి, ఆరోగ్యం, ఐశ్వర్యం నిండాలని కోరుతూ “ఈద్ ముబారక్” తెలిపారు.మాచర్ల ప్రాంతంలో అన్ని వర్గాల ప్రజలు కలిసిమెలిసి ఉండే సాంప్రదాయం కొనసాగాలని, ప్రజల మధ్య సోదరభావం పెంపొందించడంలో ఇలాంటి పండుగలు కీలక పాత్ర పోషిస్తాయని ఆయన అన్నారు. భవిష్యత్తులో కూడా అన్ని వర్గాల అభ్యున్నతికి కట్టుబడి…

పవిత్రమైన రంజాన్ పండుగ సందర్భంగా ముస్లింలు మాచర్ల పట్టణంలోని ఈద్గా వద్ద నిర్వహించిన ప్రత్యేక ప్రార్థనల్లో ఎమ్మెల్యే జూలకంటి బ్రహ్మానంద రెడ్డి పాల్గొన్నారు. ఈ సందర్భంగా ఆయన ముస్లిం సోదరులకు రంజాన్ శుభాకాంక్షలు తెలియజేశారు.ఈ సందర్భంగా మాట్లాడిన ఆయన, మాచర్ల పట్టణ ప్రజలకు స్వచ్ఛమైన తాగునీరు అందించేందుకు రూ.135 కోట్ల వ్యయంతో టెండర్లు పిలిచినట్లు తెలిపారు. రానున్న సంవత్సరం కాలంలో ప్రతి ఇంటికీ తాగునీరు అందేలా చర్యలు తీసుకుంటామని హామీ ఇచ్చారు. అదేవిధంగా రూ.40 కోట్లతో మాచర్ల-రెంటచింతల పట్టణాలకు బైపాస్ రోడ్డు ఏర్పాటు చేయనున్నట్లు వెల్లడించారు. మున్సిపల్ క్వారీ పరిసర ప్రాంతాలు, మార్కెట్ యార్డ్ సమీపంలో షాపులు నిర్మించి స్థానికులకు ఉపాధి అవకాశాలు కల్పిస్తామని చెప్పారు. గతంలో టెడ్కో ఇళ్ల కోసం పేర్లు నమోదు చేసుకున్న వారు మున్సిపల్ కార్యాలయాన్ని సంప్రదించి తమ వివరాలు తెలుసుకోవాలని కోరారు.గత 20 సంవత్సరాలుగా మాచర్ల నియోజకవర్గం అభివృద్ధికి నోచుకోలేదని పేర్కొన్న ఆయన, ఎమ్మెల్యేగా ప్రజలు…

మాచర్ల పట్టణంలోని నూర్ మసీద్, మర్కస్ మసీద్‌లలో నిర్వహించిన ఇఫ్తార్ కార్యక్రమాల్లో వైయస్సార్ కాంగ్రెస్ పార్టీ పల్నాడు జిల్లా అధ్యక్షులు పిన్నెల్లి రామకృష్ణారెడ్డి పాల్గొన్నారు. ఆయనతో పాటు నరసరావుపేట మాజీ ఎమ్మెల్యే గోపిరెడ్డి శ్రీనివాస రెడ్డి, వినుకొండ మాజీ ఎమ్మెల్యే బొల్లా బ్రహ్మానాయుడు కూడా హాజరై ముస్లిం సోదరులతో కలిసి ప్రత్యేక ప్రార్థనలు నిర్వహించారు ఈ సందర్భంగా పిన్నెల్లి రామకృష్ణారెడ్డి మాట్లాడుతూ నెలరోజులపాటు నిష్టతో ఉపవాస దీక్షలు ఆచరించి పేదలకు సహాయం చేయడం ముస్లింల గొప్ప సంప్రదాయమని అన్నారు. రంజాన్ నెల సౌహార్ద్రం, సహనానికి ప్రతీకగా నిలుస్తుందని పేర్కొన్నారు. సమాజంలో ఐక్యత, సోదరభావం పెంపొందించడంలో ఇలాంటి ఆధ్యాత్మిక కార్యక్రమాలు కీలక పాత్ర పోషిస్తాయని తెలిపారు. అన్ని మతాల ప్రజలు పరస్పర గౌరవంతో కలిసి జీవించాలని ఆకాంక్షించారు. ఈ కార్యక్రమంలో స్థానిక ముస్లిం పెద్దలు, యువకులు, పార్టీ నాయకులు పెద్ద సంఖ్యలో పాల్గొన్నారు.

పల్నాడు జిల్లా వైయస్సార్ కాంగ్రెస్ పార్టీ అధ్యక్షులు, మాచర్ల ఎమ్మెల్యే పిన్నెల్లి రామకృష్ణారెడ్డి అరెస్ట్ అయి అనంతరం బెయిల్‌పై విడుదలైన సందర్భంగా ఆయన నివాసంలో వైసీపీ నాయకులు మర్యాదపూర్వకంగా కలిశారు.ఈ సందర్భంగా వైయస్సార్ కాంగ్రెస్ పార్టీ నరసరావుపేట నియోజకవర్గ సమన్వయకర్త గోపిరెడ్డి శ్రీనివాస రెడ్డి, వినుకొండ నియోజకవర్గ సమన్వయకర్త బొల్లా బ్రహ్మానాయుడు పిన్నెల్లిని కలిసి ఆయన ఆరోగ్యం, పరిణామాలపై చర్చించారు. ఈ భేటీ మర్యాదపూర్వకంగా జరిగినట్లు పార్టీ వర్గాలు పేర్కొన్నాయి.

మాచర్ల పట్టణ ఆర్యవైశ్య, యువజన, మహిళా సంఘాల నూతన కార్యవర్గ ప్రమాణ స్వీకార కార్యక్రమం ఆదివారం స్థానిక శ్రీ కోదండ రామాలయం దేవస్థానంలో నిర్వహించనున్నారు. ఈ సందర్భంగా నూతనంగా ఎన్నికైన కార్యవర్గ సభ్యులు అధికారికంగా బాధ్యతలు స్వీకరించనున్నారు.పట్టణ ఆర్యవైశ్య సంఘం అధ్యక్షులుగా గరిణె శ్రీనివాసరావు, ప్రధాన కార్యదర్శిగా కూనిశెట్టి పుల్లారావు, కోశాధికారిగా యేచూరి అమర సురేష్ బాధ్యతలు చేపట్టనున్నారు. యువజన సంఘం అధ్యక్షులుగా కొత్తూరి చందు, ప్రధాన కార్యదర్శిగా భవనాసి రవితేజ, కోశాధికారిగా షరాబు అనీల్‌కుమార్ ఎన్నికయ్యారు. మహిళా సంఘం అధ్యక్షురాలిగా సొలస కళ్యాణి, ప్రధాన కార్యదర్శిగా మారం రుక్మిణి, కోశాధికారిగా గోపవరపు భూలక్ష్మితో పాటు ఆయా సంఘాల కార్యవర్గ సభ్యులు ప్రమాణ స్వీకారం చేయనున్నారు.