తహసీల్దార్ కార్యాలయంలో జనగణనకు సిద్ధం… ఎన్యుమరేటర్లకు కిట్లు అందజేత
మాచర్ల తహసీల్దార్ కార్యాలయంలో జనగణన కార్యక్రమం నిర్వహణకు సంబంధించిన ఏర్పాట్లు వేగంగా కొనసాగుతున్నాయి. ఈ నేపథ్యంలో ఎమ్మార్వో కిరణ్ కుమార్ ఆధ్వర్యంలో ఎన్యుమరేటర్లకు అవసరమైన కిట్లను అందజేశారు.
జనగణన ప్రక్రియను సమర్థవంతంగా నిర్వహించేందుకు అవసరమైన పత్రాలు, ఫారాలు, ఐడీ కార్డులు, ఇతర సామగ్రి కలిగిన ఎన్యుమరేటర్స్ కిట్లను అధికారికంగా పంపిణీ చేశారు. ఈ సందర్భంగా ఎమ్మార్వో కిరణ్ కుమార్ మాట్లాడుతూ, ప్రతి ఇంటిని సందర్శించి ఖచ్చితమైన సమాచారం సేకరించాలని ఎన్యుమరేటర్లకు సూచించారు.
జనాభా గణాంకాలు ప్రభుత్వ ప్రణాళికలకు ఎంతో కీలకమని, అందువల్ల బాధ్యతాయుతంగా విధులు నిర్వర్తించాలని ఆయన తెలిపారు. అలాగే ప్రజలు కూడా సహకరించి సరైన సమాచారం అందించాలని కోరారు.
ఈ కార్యక్రమంలో సంబంధిత అధికారులు, సిబ్బంది పాల్గొన్నారు.